Poslovne vesti - Makedonija

Прометот во индустријата зголемен за 9,5 отсто во мај

Индексот на прометот во македонската индустријата во мај бележи растот од 9,5 отсто во однос на истиот месец од минатата година, објави  Државниот завод за статистика.

Кон ваквото зголемување голем придонес има драстичниот пораст на прометот во индустријата остварен на странски пазари, кој во мај бележи зголемување од 11,8 отсто на годишно ниво, додека прометот во индустријата остварен на домашниот пазар бележи пораст од 3,6 отсто.

Гледано по сектори, прометот во индустријата во секторот Рударство и вадење на камен во мај, бележи опаѓање од 28,4 отсто, а во секторот Преработувачка индустрија бележи пораст од 12 отсто.

Според главните индустриски групи, прометот во мај, бележи пораст кај Капитални производи за 32,9 отсто и Нетрајни производи за широка потрошувачка за 7,3 отсто, додека опаѓање бележи кај Енергија за 97,5 отсто, Интермедијарни производи, освен енергија за 3,5 отсто и Tрајни производи за широка потрошувачка за 0,1.

Прометот во индустријата во мај на месечно ниво бележи пораст од 0,9 отсто додека во периодот јануари-мај 2014 година, во однос на истиот период лани бележи зголемување од 9,9 отсто.